Graddau

Drwy roi i chi ddealltwriaeth gynhwysfawr o sut mae busnesau’n gweithio, bydd gradd mewn busnes yn helpu i chi gyflawni’ch potensial ym myd busnes. Mae Coleg Llandrillo Cymru’n cynnig Graddau Sylfaen (FdA) mewn Cyfrifeg a Chyllid, Rheolaeth a Busnes a Rheoli Manwerthu, gyda’r dewis o ychwanegu at y cymhwyster er mwyn ennill Gradd BA Anrhydedd lawn mewn Rheoli Manwerthu. Rydym hefyd yn cynnig Cwrs BA Anrhydedd tair blynedd mewn Rheolaeth a Busnes.

Pa un a fyddwch yn dewis cwrs Gradd Sylfaen neu gwrs Gradd Anrhydedd, cewch y wybodaeth, y ddealltwriaeth a’r sgiliau arbenigol a fydd yn galluogi i chi wneud cynnydd yn broffesiynol ac yn academaidd.

Yn aml, bydd cyn-fyfyrwyr yn dweud iddynt gael swydd neu ddyrchafiad oherwydd y sgiliau, y wybodaeth a’r hyder a gawsant wrth ddilyn un o’n cyrsiau gradd mewn busnes.

Yr hyn a ddywed ein myfyrwyr

Dros y blynyddoedd, enillodd ein myfyrwyr nifer o wobrau cenedlaethol, yn cynnwys Myfyriwr Paragyfreithiol Gorau’r Flwyddyn a Myfyriwr Ysgrifenyddol Cyfreithiol Gorau’r Flwyddyn Sefydliad y Gweithredwyr Cyfreithiol, a Medal y City & Guilds am Ragoriaeth.

Craig Hogg

BA (Anrhydedd) Rheoli Busnes

“Ar ôl gadael ysgol, mi fues i’n chwarae pêl-droed proffesiynol i Everton, ond doeddwn i ddim cweit digon da. Rydw i r*an yn gyfarwyddwr cwmni o Fangor sy’n cyflogi dros 150 o bobl. Mae’r sgiliau a’r wybodaeth ges i wrth astudio’r cwrs BA wedi bod yn gymorth mawr i mi reoli menter sy’n tyfu’n gyflym.”

Stacey Carruthers

Astudiaethau Cyfreithiol Lefel 2 ILEX , Mynediad i Addysg Uwch: Busnes, Medal y City & Guilds am Ragoriaeth

“Mae mynd i goleg yn gwneud i chi sylweddoli nad chi ydi’r unig un sy’n teimlo ei bod hi’n rhy hwyr. Efo cefnogaeth eich tiwtoriaid a’ch cydfyfyrwyr, gallwch gyflawni unrhyw beth os ydych chi’n ddigon penderfynol. Wrth gwrs ei fod o’n waith caled, ond mae’n werth yr ymdrech. Rydw i wedi cael lle mewn prifysgol i astudio’r Gyfraith. Feddyliais i erioed y byddai’r peth yn bosib.”